الأربعاء. مايو 27th, 2020

عرض Offre Code 30 cih bank

السلام عليكم أ الخوت،

هاد عرض Code 30 كيفاش يستافد منو أي واحد عندو قل من 30 عام و يبدا يشري من المواقع العالمية و منها علي اكسبريس،

أولا هاد العرض دايرينو Cih Bank لكاع الناس اللي فعمرها بين 18 و 30 عام، فيه حساب بنكي بلا اقتطاعات شهرية مدى الحياة، يعني الا حطيتي فلوسك اليوم واخا تمشي عام و ترجع تلقا نفس المبلغ ما نقسو منو والو و واخا تبغي تسدو ما تخلص والو.

و فيه كارط انترناسيونال فابور تا هي مدى الحياة (كا يعطيوك تعزل الرسم اللي غادي يكون فالواجهة ديالها)، و اللي باش مزيانة هي Multiservices يعني كا تخرج بيها الفلوس من الكيشي أوتوماتيك و تخلص بيها فالمحلات بحال مرجان، ماكدو ولا زارا و فنفس الوقت تشري بيها فالانتيرنت، و لكن يلا كنتي غادي تخدمها فالمواقع العالمية خاص تخلص 44 درهم فالعام باش كيعطيوك ديك 15.000 درهم اللي مرخصا لينا الدولة فالعام.

باش تدير هاد العرض خاص تدي معاك كارط ناسيونال صافي و يلا بغيتي ماشي ضروري خود معاك شي بركة باش تحطها فالحساب ديالك، و دي معاك حتا التيليفون ديالك باش يديرو ليك كونط فالسيت ديال cih online هوا باش كتشوف حسابك و تقدر تدير فيه العمليات بحال مثلا تسيفط منو الفلوس لشي واحد يلا بغيتي واخا ما يكونش عندو كونط فشي بنكة ولا تشارجي تليفونك من الفلوس اللي فحسابك.

يقدر داك السيد اللي يبغي يحل ليك حساب يقتارح عليك تدير أسورانس على الحساب ولا علا لاكارط، يلا ما بغيتيهاش ما تديرهاش قول ليه لا حيت ماشي ضرورية،

آه و حاجة أخرة العمليات فاش كا تشري من شي سيت ما كي قطعو ليك عليهم والو يعني غير داك المبلغ ديال ديك لا كوموند اللي درتي مصرف بالدرهم على حساب العملة باش شريتي و صافي.

Facebook page